Fiorentina ka caktuar një çmim prej 50 milionë eurosh për Federico Chiesa, sulmuesin që pëlqehet nga Manchester City, Liverpool dhe Manchester United.
Sulmuesi anësor, djali i ish-futbollistit Enrico Chiesa, ka filluar të jetë pjesë e rregullt e kombëtares italiane dhe ka shënuar 6 gola në këtë sezon të Serie A.
Liverpool, Manchester City dhe Manchester United kanë pasur kontaktet e para me përfaqësuesit e Chiesa dhe mendohet se do të lëvizin për blerjen e tij në verën e ardhshme.
Thuhet se për lojtarin është interesuar edhe Napoli dhe në pritje të ankandit, sipas asaj që shkruan “Corriere dello Sport”, Fiorentina ka përcaktuar çmimin e talentit: 50 milionë euro.
