Manchester City ka zbritur me qetësinë e duhur në Liverpool para takimit që do të luajnë sonte në “Anfield” në kuadër të fazës çerekfinale të Champions League. Yjet e City-t Kevin de Bruyne, Leroy Sane dhe Gabriel Jesus pritet të zhvillojnë një seancë të lehtë stërvitore para startimit të takimit.
Trajneri i tyre, Pep Guardiola është parë i buzëqeshur para kësaj sfide, e cila për të natyrisht do të jetë tejet e vështirë. Megjithatë tekniku spanjoll shpreson që skuadra e tij të ketë të njëjtën formë sikurse në ndeshjen e 9 shtatorit të 2017-ës ku fituan me rezultatin e thellë 5-0 në “Etihad”. E vetmja mungesë me rëndësi për “Qytetarët” do të jetë ylli argjentinas, Sergio Aguero.
Vetë trajneri Guardiol konfirmoi se 29-vjeçari nuk do të luajë për shkak të një problemi të vazhdueshëm me gjurin ndërsa theksoi që do të jetë gati për përballjen e fundjavës ndaj rivalëve të United. City dhe Liverpool janë të vetmet ekipe angleze që kanë arritur në këtë raund të Champions këtë sezon dhe për fatin e tyre të keq shorti i përballi me njëra-tjetrën.
Rivaliteti mes këtyre dy skuadra dhe kualiteti i lojtarëve që kanë do të bëjë që sfida të jetë tejet e fortë. Pavarësisht humbjes 5-0 në “Etihad”, Liverpool i Jurgen Klopp është e vetmja skuadër që ka arritur të mundë mes emocionesh 4-3 skuadrën e Pep në muajin janar.
“The reds” shpresojnë në formën fantastike që po kalon ylli i tyre, Mohmaed Salah për t’a kaluar me sukses këtë raund dhe të shkojnë në gjysmë-finale. Ndeshja do të luhet sonte në orën 20:45 në “Anfield”.
Formacionet e mundshme
LIVERPOOL (4-3-3): Karius; Alexander-Arnold, Lovren, Van Dijk, Robertson; Oxlade-Chamberlain, Henderson, Milner; Salah, Firmino, Mané.
MANCHESTER CITY (4-3-3): Ederson; Walker, Otamendi, Kompany, Danilo; De Bruyne, Gundogan, Silva; Sterling, Gabriel Jesus, Sané.