Aktualisht me 84 pikë, 16 më shumë se Manchester United, Manchester City ka nevojë vetëm edhe për një fitore për t’u shpallur edhe matematikisht kampion i Anglisë për sezonin 2017/18.
Pep Guardiola bleu disa lojtarë gjatë verës me synimin e vetëm për të arritur të trofeu i Premierligës dhe objektivi është shumë afër realizimit, shkruan Gazeta Express.
Man City aktualisht ka grumbulluar 84 pikë, 16 më shumë se Manchester Unitedi i Jose Mourinhos, rivali më i madh i Pep Guardiolës dhe i nevojitet vetëm edhe një fitore për ta kurorëzuar me trofe një sezon të gjatë dhe të mundimshëm.
Pikërisht kundër Unitedit të Mourinhos, Guardiola ka mundësi edhe matematikisht të fitojë titullin, kur Manchester City t’i presë “Djajtë e Kuq” në “Etihad Stadium” me 7 prill, ndeshje që do të zhvillohet nga ora 18:30. /Gazeta Express/
