Jupp Heynckes e njeh Real Madrid-in, por njeh akoma më mirë drejtuesit e Bayern Munich dhe për këtë arsye ai është i bindur se Robert Lewandowski nuk do të luajë me fanellën e madrilenëve sezonin e ardhshëm.
Sulmuesi polak është përmendur shpesh në mediat sportive për një transferim te Real Madrid, por trajneri i bavarezëve nuk e imagjinon dot që Bayern ta lejojë një gjë të tillë.
“Rummenigge foli për këtë javën e kaluar dhe ishte shumë i qartë”, ka thënë Heynckes në konferencën për shtyp, në prag të ndeshjes me Sevilla.
“Duke njohur Hoeness dhe Rummenigge, mendoj se Real nuk ka asnjë shans për ta marrë Lewandowski-n”. Sulmuesi i Bayern ka realizuar 35 gola në ndeshjet e këtij sezoni të luajtura në të gjitha kompeticionet.
