Joao Miranda nuk e njeh modestinë. Mbrojtësi i Interit dhe i pëfaqësueses së Brazilit në një deklaratë të fundit për kanalin zyrtar të klubit zikaltër, u shpreh se mbetet mbrojtësi më i mirë i Serisë A.
“Jam shumë i sinqertë në ato që them: për eksperiencën që kam dhe gjithçka tjetër, mendoj se jam mbrojtësi më i mirë në Serinë A.”
Ish-mbrojtësi i Atleticos së Madridit vlerëosn shumë trajnerin Lucciano Spalletti, me të cilin ndihet komod, pasi komunikojnë shumë sa i përket anës taktike.
“Me Spallettin flas shpesh kur analizojmë video të ndryshme, por edhe gjatë stërvitjes. Ai është një trajner i zoti dhe më pëlqen fakti që dëshiron të fitojë gjithmonë. Edhe unë kështu jam gatuar, dua të fitoj çdo takim. Për mua ndeshja më e rëndësishme është ajo e radhës dhe nuk e mbaj mendjen te sfida e kaluar.”