Vincent Kompany beson se Manchester City duhet të ishte më i kujdesshëm në derbin e humbur me përmbysje kundër Manchester United, që shtyu festën e titullit për ekipin e Pep Guardiola.
Kapiteni i Manchester City shënoi golin e parë, ndërsa Ilkay Gundogan realizoi golin e dytë në pjesën e parë që u mbyll 2-0 për vendasit.
Gjithsesi, me dy gola të Paul Pogba dhe Chris Smalling shënuan për të besuarit e Jose Mourinho në pjesën e dytë, duke përmbysur rezultatin e derbi.
Kompany mendon se fajtor për këtë dështim ka qenë kalendari i ngjeshur i Manchester City.
“Në pjesën e dytë u pa qartë se Manchester United ishte një skuadër që kishte një javë që e përgatiste këtë ndeshje, ndërsa ne patëm vetëm dy ditë në dispozicion,” – tha Kompany për “Sky Sports”.
“Ndoshta kjo ishte ajo që bëri diferencën në pjesën e dytë. Ata kishin më shumë energji se ne dhe ne duhet t’i mbyllnim llogaritë kur dominuam në pjesën e parë. Fitorja e United ishte e merituar, por ne i ndimuam.”
“Në pjesën e dytë duhet të kishim menduar vetëm për t’u mbrojtur, por kjo nuk bën pjesë në karakteristikat tona, – shtoi belgu. – Nuk është faji i askujt, veç kalendarit. Megjithatë nuk na falet që shpërdoruam dy gola avantazh.”
