Klubet më të njohura të futbollit Europian sezonet e fundit gjithmonë e më shumë po ndjekin një praktikë tipike marketingu duke eksperimentuar me dizajnin dhe ngjyrat e uniformave dhe kryesisht atyre të treta, duke devijuar shpesh nga ngjyrat klasike dhe tradicionale të skuadrës. Kjo padiskutim si një mënyrë për të shtuar shitjet dhe për rrjedhojë përfitimet financiare nga kjo.
Por shpesh kjo ka sjellë reagime negative nga tifozët dhe akoma më shumë tallje dhe ironi në rrjetet sociale. “Viktima” e rradhës e kësaj duket se është ekipi anglez i Liverpool-it i cili ka prezantuar këto ditë uniformën e tretë për sezonin e ardhshëm duke suprizuar jo pak veta.
Ngjyra e çuditshme e zgjedhur nga drejtuesit e “the reds” ka shkaktuar tallje e montazhe pikante në rrjetet sociale, ku “memet” kanë qenë nga më të ndryshmet.
