Sulmuesi i Arsenal, Alexandre Lacazette ka kaluar një fundjavë të mrekullueshme pas dopietës së shënuar në fitoren 4-1 ndaj West Ham. Pas ndeshje ai u njoh me tifozin më të çmendur të tijin, i cili kishte bërë tatuazh fytyrën e francezit tek të pasmet. Lojtari ka postuar foton e shkrepur me ultrasin e “Topçinjëve”, pas përfundimit të sfidës.
“Kur ti fton tifozin që ka bërë tatuazh fytyrën tënde në…trup. Tifoz i çmendur”- shkruan karshi fotos së postuar në “Instagram” 26-vjeçari.
Sulmuesi i “Tre gjelave” shënoi dy gola në minutat 85 dhe 89-të, pas rrjetës së Monreal (51’) dhe të uellsianit, Ramsey në minutën e 82-të ndërsa për miqtë realizoi, Arnautoviç në minutën e 64-ët.
Ish-futbollisti i Lionit, shpreson që të jetë i përzgjedhur nga Wenger edhe për përballjen e së enjtes në gjysmëfinalen e Ligës së Evropës ndaj Atletico Madrid. “Topçinjtë” do të përpiqen në maksimum për të siguruar një biletë për në finalen e madhe të Europa League në nder të trajnerit, Arsene Wenger, i cili do të largohet nga “Emirates Stadium” në fund të sezonit. Ekipi dhe tekniku francez shpresojnë që t’a mbyllin këtë edicion me trofeun e Europa League.
