Luka Modric, mesfushori i Real Madrid ka folur në lidhje me të ardhmen e tij për “SVT Sport”: “Jam shumë i lumtur këtu, do të më pëlqente ta mbyllja karrierën te Real. Por, nëse do të ishte e mundur, pranoj se do ta shihja veten mirë në MLS (kampionati amerikan i futbollit)”, ka thënë kroati.
Ndërkohë, Real Madrid do të kthehet në fushë të mërkurën në mbrëmje, kur do të luajë gjysmëfinalen e parë të Champions League kundër Bayern Munich në “Allianz Arena”.
Skuadra e Zidane është në kërkim të triumfit të tretë radhazi në Champions, një arritje që nuk është realizuar kurrë më parë në epokën e Champions League, ndërsa Bayern do të kërkojë të hakmerret për eliminimin e pësuar sezonin e kaluar në çerekfinale pikërisht kundër madrilenëve.