Është zhvilluar sot etapa e dytë e kupës “Agim Tafili” në çiklizëm, me pjesëmarrjen e çiklistëve më të mirë për të rritur e të rinj në këtë sport. Aktiviteti i organizuar nga Federata Shqiptare e Çiklizmit në nder të një prej ikonave të këtij sporti, dhuroi mjaft emocione si dhe u organizua në Shkodër, vendlindjen e Tafilit.
Sot u zhvillua etapa e dytë, Shkodër-Pukë-Shkodër, aty ku për të rritur triumfuan çiklistët e Apolonisë. Në dy vendet e para u renditën çiklistët fierakë, Marolino Hoxha e Kristel Sota, që kanë pas durrsakun Ridvan tafili të Teutës.
Ndërsa për të rinj triumfuan çiklistët shkodranë, ku sërish më i miri ishte Bruno Kola, që pat fituar edhe etapën e parë. Në sprintin final, Kola mundi shokët e tij të skuadrës Astrit Kronaj e Gjergj Zefi, të shkëputur që në start nga rivalët.
Pas përfundimit të garës u zhvillua edhe ceremonia e dorëzimit të kupës nga ana e drejtuesve të FSHÇ-së, ndërkohë që e pranishme edhe kryetarja e Bashkisë së Shkodrës, Voltana Ademi, që kanë përgëzuar të pranishmit.
