Pavarësisht se në këtë sezon nuk po gjen shumë hapësira, Mateo Musacchio nuk duket se do të largohet nga Milan.
Sipas asaj që shkruan “Gazzetta dello Sport”, qendërmbrojtësi argjentinas i ardhur për 18 milionë euro nga Villarreal gjatë verës së kaluar, ka ndërmend të qëndrojë te kuqezinjtë, i gatshëm për t’u përballur me rolin e alternativës së dyshes Bonucci-Romagnoli, gjithnjë e më shumë të konsoliduar si titullarë nën urdhrat e Gattuso.
Ndërkohë, e ardhmja e Nikola Kalinic në Milano është ende për t’u përcaktuar. Futbollisti kërkon garanci teknike për aktivizimin e tij në sezonin e ardhshëm dhe në Itali ka mbërritur menaxheri i tij që do të takohet me drejtuesit kuqezi pikërisht për këtë temë.