Kukësi do të luaj të mërkurën ndeshjen e kthimit të gjysëm finales së kupës ndaj Laçit. Skuadra është pothuajse e plotë përveç sulmuesit Balde që vijon të jetë i dëmtuar. Sipas mbrojtësit Ylli Shameti, ndonëse me Laçin do të kenë dy ndeshje radhazi, në kupë dhe kampionat, të dyja këto sfida janë krejt ndryshe edhe pse përball është i njëjti ekip.
Sfida e parë u mbyll në barazim për të dyja skuadrat por ndeshja e kthimit luhet në Kukës. Ekipi do të niset të martën drejt qytetit verilindor për të pritur ditën e mërkurë për zhvillimin e sfidës. Sulmuesi Sindrit Guri shkëlqeu në ndeshjen ndaj Partizanit dhe këtë paraqitje kërkon ta bëjë edhe në vijim.
Edhe Donjet Shkodra beson te kualifikimi në ndeshjen e Kupës dhe mbajtjen e vendit të dytë në kampionat.
Gjatë fundit të muajit maj pritet të publikohet sërish lista e emrave të thirrur në kombëtare nga trajneri Christian Panuci për miqësoret e muajit qershor. Ndërkohë i pyetur për një ftesë në kombëtare, Guri thotë se është i përqëndruar tek ekipi i Kukësit për momentin, ndonëse paraqitjet e tij të deritanishme janë një sinjal indirekt për teknikun e kombëtares.
Donjet Shkodra ka provuar të luaj në tre prej ekipeve më të mira të Superligës. Flamurtarit, Skënderbeut dhe tashmë te Kukësi. Ai tregon se ndihet mirë këtu dhe i pëlqen të vijojë me skuadrën e verilindorëve, ndonëse lë hapur mundësinë për një rikthim të mundshëm në Belgjikë ose Gjermani, aty ku jeton dhe familja e tij.
Mesfushori kosovar flet edhe për gjendjen e Flamurtarit, që sipas tij është normale një gjë e till dhe cdo ekip mund të ketë ulje ngritje. Ndërkohë që situatën e Skënderbeut nuk preferon ta komentojë.