Trajneri i Hoffenheim, Julian Nagelsmann, thotë, se për momentin nuk ka në plane për t’u larguar nga klubi, mes raporteve të vazhdueshme që e lidhin atë me një lëvizje në Bayern Munich gjatë merkatos së verës. Drejtuesit e Bayern janë duke punuar për të gjetur pasardhësin e trajnerit Jupp Heynckes deri në fund të prillit, por Nagelsmann, një favor i nxehtë në shtypin gjerman për vendin e lirë, duket se ka dalë jashtë garës. “Unë nënshkrova një kontratë, e cila është e vlefshme deri në vitin 2021 dhe ka një klauzolë lirimi për 2019, me qëllim që të qëndroj këtu – të paktën deri në vitin 2019”, tha Nagelsmann për revistën “Playboy”. “Sigurisht që ju mendoni për këtë, nëse ka interes, por Hoffenheim nuk është një vend i keq për të qenë”, shtoi ai.
31-vjeçari, mori rolin e trajnerin në ekipin e parë të Hoffenheim në fund të sezonit 2015/2016. Julian Nagelsmann i udhëhoqi ata në Evropë për herë të parë në historinë e tyre dhe po lufton për t’u bërë sërish pjesë e kompeticioneve evropiane në edicion e ardhshëm, teksa ky është sezonin i tij i dytë i plotë si trajner. “Unë jam duke shijuar jetën, por gjithmonë siguria financiare është shumë e rëndësishme”, tha 31-vjeçari për planet e tij të ardhshme. “Nëse është e mundur, ëndrra është të bëj diçka tjetër me jetën time deri në kohën kur të jem 40 ose 50 vjeç, diçka që është larg nga fusha e futbollit”, shtoi ai. Pasi Thomas Tuchel vendosi të refezojë kalimin te Bayern, Nagelsmann është një nga kandidatët më të fortë për të zëvendësuar Jupp Heynckes në fund të sezonit.