Arsene Wenger pretendon se Arsenal respektohet më tepër jashtë shtetit sesa në Angli dhe kjo për shkak të tifozëve keqdashës.
Ai ka lajmëruar të premten se ky do të jetë sezoni i fundit në stolin e Topçinjve pas 22 viteve ku ka dhënë gjithçka për klubin.
Trajneri veteran është kritikuar pafund nga tifozët dhe analistët në vitet e fundit, por 68-vjeçari ka folur me pasion për dedikimin e tij.
“Nuk do të largohem asnjëherë komplet nga klubi. Kam dhënë vitet më të mira të jetës sime për këtë klub. Kam mbërritur 46 vjeç, kam punuar shtatë ditë të javës, jo gjashtë, jo gjashtë e gjysmë, shtatë – për 22 vite. Nuk mundet thjesht të largohesh sikur nuk ka ndodhur asgjë. Është e pamundur.
“Mendoj se ky klub respektohet kudo në botë, më shumë se në Angli. Tifozët tanë nuk kanë shfaqur imazhin e unitetit që doja të ishte kudo në botë. Mendoj se ky klub ka një imazh fantastik.
“Nejse, nuk dua të bëj polemika. Tifozët donin që unë të largohesha pasi nuk ishin të lumtur. Kështu e ka ky profesion.”
🎶 It's been ringing around the Emirates…
"One Arsène Wenger, there's only one Arsène Wenger"#MerciArsène pic.twitter.com/GisWALhOjc
— Arsenal FC (@Arsenal) April 22, 2018
