Andres Iniesta sot ka mbajtur një konferencë për shtyp për të njoftuar se në fund të sezonit do të largohet nga Barcelona.
Pas qëndrimit 22 vjeçar, njëri nga futbollistët më të mirë që ka pasur jo vetëm Barcelona por në përgjithësi futbolli, ka vendosur të nis një epikë të re në karrierën e tij.
Konferenca e lamtumirës së Iniestas kaloi mes lotëve dhe emocioneve.Aty ishin të gjithë lojtarët e Barcelonës, me përjashtim Lionel Messit dhe Luis Suarezit.
Mediet në Spanjë kanë dhënë edhe arsyet e mungesës së Messit dhe Suarezit. Sipas tyre, të dy këta sot kanë pasur angazhime personale, dhe ka qenë e pamundur të mungohet, duke marrë edhe mirëkuptimin e Iniestas.
