Pas natës së jashtëzakonshme, në të cilën i ka dhënë fund ëndrrës së Juventus për një triumf në Champions League, Cristiano Ronaldo ka folur për faqen e UEFA-s, duke e nisur nga duartrokitjet e “Allianz Stadium” pas roveshiatës së tij:
“Ka qenë një moment i pabesueshëm. Duhet të falënderoj të gjithë tifozët e Juventus. Ajo që kanë bërë është mbresëlënëse dhe nuk më kishte ndodhur kurrë në karrierë. Ka qenë një gol i madh, fantastik”, ka thënë portugezi.
Më pas CR7 ka folur edhe për faqen zyrtare të Real Madrid: “Kam shënuar një tjetër gol me roveshiatë, me kombëtaren, por arbitri me anuloi padrejtësisht. Ky është goli më i bukur i karrierës, do të mbetet në memorien e të gjithëve”, ka thënë ylli i Real që ka zbuar: “Kur isha fëmijë ndiqja ndeshjet e Juventus. Më kanë emocionuar”.
