Tani, me kërkesë të Sylvester Stallone, drejtpërdrejtë për mikun e tij Donald Trump, presidenti i SHBA, mund të pastrojë emrin e Jack Johnson, kampioni i parë me ngjyrë i peshave të rënda në boks, në vitin 1908.
Ai u arrestua dhe bëri një vit burg pasi u arratis për në Britaninë e Madhe dhe më pas u rikthye për të shlyer dënimin.
Trump e ka bërë të ditur nëpërmjet rrjetit social “Twitter” dëshirën për të pastruar emrin e tij, diçka që e kanë menduar shumë presidentë në të kaluarën, por nuk e ka bërë askush, as presidenti i parë me ngjyrë në historinë e SHBA, Barack Obama.
Nuk do të jetë e lehtë, sepse departamenti i drejtësisë në SHBA preferon të merret dhe të investojë mund te çështjet që përfshijnë njerëzit e gjallë.
Trup tha: “Stallone ma tregoi historinë, Johnson ka pasur gjyqe dhe vuajtje të mëdha dhe një jetë shumë kompelske dhe të vështirë.”
Jack Johnson kishte lindur në Galveston , më 31 mars 1878 nga një familje ish-skllevër. U nda nga jeta në vitin 1946 si pasojë e një aksidenti rrugor dhe për vite të tëra familja e tij ka kërkuar pastrimin e emrit për ish-boksierin që në vitin 1910 dominoi ndeshjen me boksierin e bardhë
James Jeffries, duke mbetur kampion i Botës deri në vitin 1915, kur u mposht në ring nga Jess Willard.
Së bashku me bashkëshorten Lucille u transferua në Britaninë e Madhe dhe në vitin 1920 e mori sërish titullin në Kubë, por u kthye në SHBA ku i takonte të bënte një vit burg sepse kishte ndihmuar për kalimin klandestin të kufrit për një të bardhë që po arratisej nga i fejuari.
Ai u mor me boks deri në ditën e fundit të jetës dhe sipas “International Boxing Hall of Fame” ka qenë një nga boksierët më të mëdhenj të të gjitha kohërave.
Historia e tij ka përfunduar edhe në sallat kinematografike në saj të një dokumentari nga Ken Burns.
Sylvester Stallone called me with the story of heavyweight boxing champion Jack Johnson. His trials and tribulations were great, his life complex and controversial. Others have looked at this over the years, most thought it would be done, but yes, I am considering a Full Pardon!
— Donald J. Trump (@realDonaldTrump) April 21, 2018