Në një postim në rrjetin social “Facebook” trajneri i Vllaznisë, Ernest Gjoka duket se i ka shprehur të gjitha ato që po ndodhin rreth ambientit shkodran. Ai e krahason botën ku jetojmë me malin. Nuk dihet qartë në qoftë se kjo është një postim që trajnerit i bën përshtypje apo është realiteti që ai po jeton si trajner i skuadrës së Vllaznisë. Më poshtë statusi:
“Kjo botë i ngjan malit. Gjithcka varet nga timbri i zërit tënd. Në rast se i thua gjëra të bukura, bota do t’i përgjigjet zërit tënd. Në rast se bërtet e thua gjëra të pakëndshme, ajo menjëherë do t’i përgjigjet tonit tënd. Edhe në rast se dikush flet keq për ty, ti mos e prish timbrin e zërit tënd, flit mirë. Që bota të ndryshojë, duhet të përgjigjesh me zemrën tënde.”