Është raportuar se Leonardo Bonucci është i zhgënjyer nga Milani, dhe mund të largohet në janar ose në verë.
Ish mbrojtësi i Juventusit u bashkua me Milanin këtë verë, në një nga transferimet më të bujshme të viteve të fundit.
Megjithatë, ka qenë një fillim i vështirë për karrierën e tij në San Siro dhe Milan tashmë është 14 pikë larg nga vendet e Ligës së Kampionëve, raporton Alpenews.
Sipas gazetës Gazzetta dello Sport të kësaj mëngjes, Bonucci ka dyshime për projektin e Milanit, dhe po sheh mundësinë e transferimit tek Manchester City, pasi këta të fundit janë në kërkim të një qendërmbrojtësi.
Paris Saint-Germain dhe Chelsea gjithashtu mendohet të jenë të interesuar, por një marrëveshje do të jetë e vështirë pasi mbrojtësi është nën kontratë deri në vitin 2022 dhe Milani ka paguar 40 milionë euro për të disa muaj më parë.
