Manchester United ka humbur në “Old Trafford”, 1-0 kundër WBA të vendit të fundit, në ndeshjen më të dobët për skuadrën e Jose Mourinho në këtë sezon dhe kjo do të thotë se Manchester City është shpallur matematikisht kampion në Premier League.
Skuadra e Pep Guardiola ka 16 pikë më shumë se “djajtë”, kur të dy ekipet kanë edhe pesë ndeshje për të luajtur dhe kësisoj ata fitojnë titullin e pestë në historinë e tyre.
West Brom e shënoi e fitores 17 minuta para fundit gjatë një goditje nga këndi. Nemanja Matic nuk arriti të largojë topin nga zona, por e çoi atë te Jay Rodriguez, i cili mposhti De Gea nga një distancë e afërt me portën.
Kur mbeten edhe pesë ndeshje nga fundi, Manchester United ka një pikë më shumë se Liverpool, në garën për vendin e dytë, ndërsa West Brom mbetet në vendin e fundit, nëntë pikë larg “mbijetesës”.
