Në prag të transfertës së vështirë ndaj Crotones, trajneri i Lazios, Simone Inzaghi ka folur për çështjen më shumë të debatuar të ditëve të fundit, atë të aktivizimit të Stefan De Vrij. Holandezi sapo ka firmosur kontratën me rivalin e Lazios për Champions, Interin për 5 sezonet e ardhshme dhe shumë tifozë kanë kërkuar që ai të mos aktivizohet.
Gjithsesi tekniku bardhekaltër u shpreh i bindur që Holandezi jo vetëm do të luajë ndaj Crotones, por edhe që do të nderojë fanellën dhe skuadrën e Lazios.
“Ndoshta është gabuar me kohën e publikimit të kontratës së re, por unë e njoh se çfarë djali dhe profesionisti është De Vrij. Jam i sigurt që do të nderojë fanellën për respekt të klubit, tifozërisë dhe shokëve të skuadrës, me të cilët ka kaluar 3 sezone të mrekullueshme”, deklaroi Inzaghi.
