Andres Iniesta ka zbuluar trajnerin më të rëndësishëm gjatë kohës së tij te Barcelona – dhe përgjigja mund të ketë surprizuar shumë tifozë.
Legjenda e mesfushës do të largohet në verë, dy dekada pas promovimit nga akademia e famshme La Masia.
Në prag të largimit të tij, Iniesta, 34, është pyetur nga Mundo Deportivo për të përshkruar ish-shokët e ekipit dhe trajnerët e ndryshëm me një fjali.
Dhe “trajneri im më i rëndësishëm” ishin fjalë që ai përdori për të përshkruar ish-trajnerin e Manchester United Louis van Gaal.
Përgjigja mund të vijë si një surprizë, duke parë nivelin e lartë të trajnerëve që kanë pasur nderin ta stërvitin, teksa ai suksesin më të madh të karrierës e ka arritur nën drejtimin e Pep Guardiola-s.
Gjithsesi, ishte Van Gaal ai që i dha debutimin si profesionist në 2002 dhe ai është një moment që Iniesta e kujton me nostalgji.
Kur pyetet për mendimin e tij mbi Guardiola-n, ai shprehet: “Një mjeshtër për mua.”
Luis Enrique-n e ka përshkruar si një “shok”, ndërsa Valverde-n si të “mençur”.
Luis Aragones ishte një “shembull”, ndërsa Del Bosque “ekzemplar”.
