Bayern Munich, i cili vjen nga eliminimi nga Liga e Kampionëve në mesjavë, e ka vazhduar serinë e fitoreve në Bundesligën gjermane duke e mposhtur Kolnin në udhëtim.
Skuadra e Jupp Heynckes fitoi me përmbysje 3-1 duke e shënuar fitoren e gjashtë më radhë në top ligën gjermane.
Gjërat nisen keq për kampionin, i cili gjeti veten në disavantazh pas autogolit të qendërmbrojtësit Sule pas 30 minutave lojë.
Bayerni u fut me tjetër qasje në pjesë të dytë duke e përmbysur skuadrën vendase. Për dy minuta, Bayerni e përmbysi Kolnin, kur së pari James Rodriguez dhe më pas Robert Lewandowski shënuan për 2-1.
Fitoren e Bayernit e vulosi mesfushori Tolisso rreth 12 minuta para fundit.
Kampioni tani ka 84 pikë në vendin e parë, ndërsa Koln mbetet e fundit me 22.
