Mbrojtësi holandez, Stefan De Vraj është kthyer në një “çështje” te skuadra e Lacios. 26-vjeçari, i cili sezonin e ardhshëm do të veshë fanellën e Interit, është një siklet të madh, pasi ndeshjen e fundit do ta luaj ndaj skuadrës së tij të ardhshmë, ku do të vendosen fatet e ekipit që do të shkojë në Ligën e Kampionëve.
Janë ngritur dyshime nëse ai mund të japë më të mirën në fushë ndaj Interit, në qoftë luan, teksa gjasat janë që trajneri Inzagi mos e aktivizojë holandezin në këtë sfidë.
“Kemi edhe mbrojtësi të tjerë, nuk e di nëse De Vraj do të luajë”, u shpreh Inzagi në një deklaratë për mediat italiane. Vetë mbrojtësi 26-vjeçar, u shpreh se nuk mund të luajë ndaj Interit, po të qe për të, por është trajneri ai që e vendos.
“Nuk e di se çfarë mendon trajneri por nuk mund të luaj ndaj Interit. Është një arsye shumë e thjeshtë ajo që më shtyn të mendoj kështu, pasi kam konflikt interesi”, deklaroi De Vraj.
