Takimi i djeshëm mes Skënderbeut dhe Teutës u ndoq nga më pak se 500 tifozë në stadiumin “Skënderbeu”, ndoshta shifra më e ulët në Superiore në stadiumin juglindor. Edhe në tribunën VIP dje ka pasur vende bosh, ku binin në sy në radhë të parë zv/presidenti i Skënderbeut, Arlind Boshku dhe pranë tij disa drejtues të tjerë dhe ish-kapiteni Bledi Shkëmbi që dje e ka ndjekur për 90 minuta këtë takim.
Amadu Latif dje pas përfundimit të takimit ka dalë në pjesën prapa pankinave dhe është falur për disa minuta. Fatkeqësisht, gazetarët që ishin atje pranë ia kanë prishur faljen, pasi të gjithë shfrytëzuan momentin për ta fotografuar. Latif është ndier keq, është ngritur dhe është larguar.
