Në një intervistë për “Leoforos.gr”, Ergys Kaçe është shprehur se nëse Panathinaikosi do të kishte mbështetjen e duhur financiare dhe administrative, gjithçka do të ishte shumë më ndryshe në këtë ekip.
“Në momentin kur erdha në ekip, më pritën shumë mirë mua dhe Mistakidis. Më ndihmoi shumë edhe Bledar Kola që të përshtatem këtu. Panathinaikosi ka pasur vështirësi, por ne vendosëm të luanim me mundësitë tona.
Është e vështirë të kesh motivimin e duhur në të tilla kushte. Qëndrimi? Unë dua vetëm që të luaj dhe të kem vazhdimësi. Nëse do të ishte në dorën time sigurisht që mund të qëndroja, por nuk vendos unë për të ardhmen”, ka thënë Kaçe.
