Endri Çekiçi sërish në formacionin më të mirë të javës në Slloveni. Falë golit me vlerë trepikëshe që shënoi në sfidën ndaj Muras, shqiptari i Olimpijas së Ljubljanës është bërë pjesë e 11-shes më të mirë të javës së 35-të. Ky fund sezoni ka qenë vërtet fantastik për Endri Cekiçin që në 9 takime të zhvilluara në total me Olimpijan ka realizuar 6 gola ka fituar 2 penallti dhe ka dhënë 1 asist, duke u shndërruar në vetëm pak kohë në nga një lojtar më të rëndësishëm të skuadrës së tij.
Këtë fundjavë Çekiçi do të kërkojë të lejë shenjë edhe në ndeshjen e tij të fundit për këtë sezon me Olimpijan e Ljubljanës me shpresën se paraqitjet e tij do jenë vëzhguar me vëmendje nga trajneri i kombëtares shqiptare Edy Reja, nga i cili pogradecari pret një ftesë për të qenë pjesë e kuqezinjëve për sfidat ndaj Islandës dhe Moldavisë. Edhe pse ka qenë një lojtar shumë i rëndësishëm i kombëtares Shpresa, Çekiçi ende nuk ka debutuar me përfaqësuesen A.
