Lotaria e penalltive ndëshkon Italinë dhe i jep mundësinë Holandës të shpallet kampione e Europës U-17. Koha e rregullt, që zgjat 80 minuta, u mbyll në barazim 2-2.
Holanda kaloi në avantazh me Jurrien Maduro, sapo nisi pjesa e dytë, ndërsa “axurrët” përmbysën gjithçka me golat e Ricci dhe Riccardi, që shënuan dy gola në harkun e dy minutave. Gjithsesi, “tulipanët” barazuan pesë minuta nga fundit me Brobbey dhe gjithçka do të vendosej me penallti.
Nga 11 metrat italianët gabuan dy herë dhe Holanda ngriti kupën. Këto dy vende mund të krenohen me talentet e tyre, por do ta shohin kampionatin botëror nga televizori sepse nuk janë kualifikuar për në “Rusi 2018”.
Wij zijn kampioen! 🎵 #ITANED #U17EURO pic.twitter.com/ejCx4ntKE2
— OnsOranje (@OnsOranje) May 20, 2018
