Goli i tij në minutën e 89-të të ndeshjes Inter-Juventus mund të rezultojë vendimtar për titullin kampion të bardhezinjëve…
“Atë top e ndjeja që do të shkonte në rrjetë. Kur je me të vërtetë i bindur mendoj se gjithçka mund të realizohet, – thotë Higuain. – Ishte thelbësore të fitonim ndaj Inter, në minutat e fundit të ndeshjes në “San Siro” ishim të vetëdijshëm se do të vendosej titulli.”
Më pas, sulmuesi argjentinas tha: “Mendoj se përmbysja që bëmë ndaj Interit e vrau Serie A.”
“Il Pipita” përgëzon shokët e ekipit: “Bashkimi që ka grupi jonë dhe besimi te njëri-tjetri na jep mundësinë të realizojmë objektivat. Në këtë pikë të sezoni nuk vlen forca fizike, por përgatitja psikologjike dhe vullneti për t’u sakrifikuar për njëri-tjetrin. Duam t’i fitojmë të katër ndeshjet e mbetura.”
