Trajneri Hasan Lika shprehet mjaft i kënaqur me këtë pikë, pasi evidenton se skuadra kishte mungesa të rëndësishme në këtë transfertë të vështirë.
Tjetër barazim i arritur në pjesën e dytë. Sa vlen kjo pikë për Europën?
Siç shkuan gjërat në pjesën e parë, natyrisht që morëm një rezultat të mirë. Një hap i mirë për Kupat e Europës, pasi morëm një barazim me vlera në Kukës.
Mbrojtësit e Luftëtarit ishin fokusuar te Guri, por golat i shënoi dikush tjetër.
Nuk ishim të gatshëm për atë që bëri kundërshtari. Jakovljeviç që kishte probleme me gjurin, por dhe Beqiri që u dëmtua, na penalizuan në qendrën e mbrojtjes. Më pas rregulluam edhe mbajtjen e topit.
Besoni se do ta mbani vendin e tretë?
Nëse marrim rezultate pozitive, patjetër që po. Kemi dhe ndeshje në fushën tonë dhe shpresojmë shumë për Europën. Tani na janë afruar edhe kundërshtarët, ndaj duhet të bëjmë kujdes.
