Merkato e verës duket se do të jetë e nxehtë për skuadrat italiane. Antonio Candreva mendohet se mund të hapë rrugën për Federico Chiesan te Interi. Sipas Gazzetta dello Sport, Candreva është një nga lojtarët që zikaltrit nuk po e llogarisin për sezonin e ri.
Gazeta shpjegon se zikaltërit kanë identifikuar katër lojtarët që potencialisht mund të transferohen gjatë merkatos së verës.Simone Verdi i Bolognas, dyshja e Sassuolos – Domenico Berardi dhe Matteo Politano, janë ndër lojtarët që po interesohet skuadra që ka siguruar një vend për në Ligën e Kampionëve.
Megjithatë, mesfushori i Fiorentinës duket se është opsioni i tyre i preferuar, ku kinezët do të duhet të ndajnë 50-60 milionë euro për transferimin e lojtarit gjersa Inter do të ofrojë një shumë të parave dhe shërbimet e Candrevas.
Theksojmë se sezonin që lamë pas, 20-vjeçari shënoi gjashtë gola dhe i ndihmoi bashkëlojtarët në nëntë raste prej 36 paraqitje në Serie A, ndërsa Candreva dështoi të regjistrojë një gol të vetëm gjersa asistoi vetëm njëherë.