Nuk është vetëm finale, por më shumë se finale ajo e Champions League mes Real Madridit e Liverpoolit, që do të zhvillohet në Kiev me 26 maj.Kjo për faktin se Reali po kërkon të rishkruajë histori duke e fituar 3 herë me radhë Ligën e Kampionëve dhe trofeun e 13 në histori.
Në anën tjetër, Liverpooli kërkon në Kiev të bëhet skuadra e tretë më e suksesshme në histori në Evropë.
“Të Kuqtë” duan të fitojnë për ta lënë prapa Barcelonën e Bayern Munichun.
Ekipi i Jurgen Klopp aktualisht numëron pesë trofe, aq sa kanë Barcelona dhe Bayern Munich dhe dëshira e tyre është që të fitojnë të gjashtin, për të plotësuar podiumin e skuadrave më të suksesshme në Evropë.