Agjenti i mesfushorit të Napolit Jorginho konfirmon se një ofertë ka mbërritur në zyrat e Napolit nga Manchester City.
Lojtari i përfaqësueses italiane është përfolur për një transferim në Premier League prej kohësh tashmë, dhe sot është raportuar se është bërë një ofertë 50 mln euro.
“E di që ka mbërritur një ofertë nga Manchester City te Napoli,” konfirmon Joao Santos.
“Po presim përgjigjen e italianëve, nuk mendoj se ata kanë refuzuar oferta. Nëse Napoli gjen një marrëveshje, atëherë ne do të vlerësojmë gjithçka.
“Patjetër që Manchester City do të ishte më se i mirëpritur, dhe nuk mund të refuzohej.”