Ylli i Bayern Munchen, Arturo Vidal është duke u ndjekur nga disa nga klubet më të mëdha të Evropës. Gazetari kilian Maks Cardenas shkruan, se mesfushori mund të largohet këtë merkato, pasi kërkon të nisë një aventurë të re. Maestro i mesfushës aktualisht është një nga lojtarët më të vlerësuar në Bayern, por duket i vendosur për një lëvizje.
Vidal është lidhur me një lëvizje në “Old Trafford” për vite të tëra, që daton që në kohën kur luante në Serie A me fanellën e Juventusit. Në vend që të bashkohej me ekipin e Louis van Gaal, ai përfundoi në Bayern në vitin 2015 dhe fitoi tre tituj radhazi të Bundesliga me klubin bavarez. Përkundër performancave të tij mjaft të mira me kampionët e Gjermanisë, një transferim duket të jetë duke u përgatitur. 31-vjeçarari aktualisht po shërohet nga një dëmtim në gju dhe mund ta përfundojë rehabilitimin e tij në një klub të ri.
Reporteri kilian i Cardenas në Mbretërinë e Bashkuar, Cardenas zbuloi në Twitter: “Resonance Arturo Vidal nga gjuri i tij u kthye pozitivisht. Kiliani ka oferta nga e gjithë Evropa dhe nuk do të nënshkruajë asgjë së shpejti. Në më pak se dy muaj ai do të jetë në dispozicion për të luajtur”.
Më pas, ai u pyet nëse Manchester United është i gatshëm për të nënshkruar me Vidal këtë verë dhe u përgjigj: “Po United dhe shumë klube të tjera”. Kur u tha se një lëvizje në “Old Trafford” ishte e dyshimtë Cardenas goditi sërish, por shtoi se Alexis Sanchez mund të provojë të jetë një pengesë në çdo transferim në gjigandët e Premier League. United mund të jetë i vendosur për të bërë disa ndryshime të mëdha në mesfushën e tyre këtë verë. Jo vetëm që Michael Carrick ka dalë në pension, por e ardhmja e Ander Herrera, Marouane Fellaini dhe madje edhe e Paul Pogba janë në dyshim në “Old Trafford”.
