Emre Can te Juventusi dhe Sami Khedira te Liverpooli, mund të ketë një rokadë mesfushorësh mes The Reds dhe bardhezinjëve në merkaton e kësaj vere.
Emre Can është gjithnjë e më pranë transferimit te Juvja me parametër zero, madje një rol të rëndësishëm në zgjedhjen e futbollistit turko-gjerman e ka luajtur pikërisht Khedira i cili duke iu referuar atyre që shkruajnë mediat italiane ëndërron një të ardhme në Premier League dhe mund të largohet ndoshta që këtë verë nga kampionët e Italisë për t’u bashkuar me skuadrën e Jurgen Klopp.
Pasi ka fituar Bundesligën, La Ligan dhe Serie A, Khedira tashmë 31-vjeç kërkon të lërë shënjë në një tjetër kampionat me peshë pikërisht në Premier League edhe pse diçka e tillë do t’i hiqte mundësinë për të luajtur në të njëjtën skuadër me shokun e tij në kombëtare Emre Can.
