Fitorja 3-1 mbërëmë kundër Bolognas duket se afron Juventusin me titullin e 7-të rradhazi në Serie A. Një dominim i Juves në një periudhë më shumë se një gjysmë dekade, ku në Itali nuk ka lënë asnjë ekip që të ngrejë kokën. Por shumë nga protagonistët e këtyre 7 viteve historike duket se në fund të këtij sezoni do largohen nga bardhezinjtë.
Ata që kanë mbajtur peshën kryesor në këto vite si Stephan Lichtsteiner, Andera Barzagli dhe me shumë mundësi edhe dy ikona si Buffon dhe Marchisio do ikin në fund të këtij sezoni. Jo vetëm mosha e madhe e lojtarëve, por edhe përgatitja e drejtuesve të Juventusit për një revolucion në merkaton e verës duket se do bëjë që këta lojtarë të largohen. Në Torino po fryn një erë e re dhe të gjithë duket se janë ‘lodhur’ me triumfet vetëm në Itali dhe duan sukseset edhe në Europë.
