Bayern Munich e ka mbyllur sezonin 2017/18 të Bundesligës gjermane me humb por me kokën lart si kampion i këtij edicion, pasi u mposht në shtëpi nga Stuttgart të shtunën pasdite.
Bayerni e priti në “Allianz Arena” Stuttgartin në ndeshjen e fundit të ligës elitare gjermane për këtë edicion, dhe u mposht 4-1.
Kjo fitore nuk i ka bërë punë Stuttgartit pasi nuk arriti të fitojë një vend që dërgon në Evropa Ligë, pas fitores së RB Leipzig, skuadër që siguron vendin e fundit që dërgon në këtë garë.
Se skuadra mysafire e kishte marrë seriozisht këtë takim u pa pas pesë minutave lojë kur Ginczek shënoi për 1-0.
Bayerni reagoi duke e barazuar rezultatin përmes Tolissos pas 20 minutave lojë, por kjo ishte e tëra që kampioni ofroi në këtë ndeshje të parëndësishme për të.
Tre minuta para përfundimit të pjesës së parë, Stuttgarti e ktheu epërsinë kur Donis realizoi pas një kundërsulmi. Stuttgart shënoi edhe dy herë tjera përmes Akolos dhe Ginczek brenda tre minutave të fillimit të pjesës së dytë.
Bayern e mbyll sezonin në Bundesligë si kampion me 84 pikë, 27 fitore, 3 barazime dhe 4 humbje.
Stuttgart e mbyll në vendin e shtatë me 51 pikë.
