Futboll Sport

Lajm i keq për Panuccin/ Shtyhet debutimi i mbrojtësit të talentuar kuqezi

Egzon Binaku nuk do të mund të debutojë me Shqipërinë. Lajmin e hidhur për mbrojtësin e dha vetë trajneri i tij te Malmö, Daniel Andersson para sfidës së sotme në kampionat. “Egzon ka pësuar një lëndim dhe nuk do të luajë me ne por as me skuadrën e tij kombëtare”, tha Andersson. “Është për të ardhur keq, por nuk mund të rrezikojmë”.

I lindur në Åmål të Suedisë pasi prindërit e tij kishin emigruar aty nga Kosova, 22-vjeçari kishte pranuar së fundmi ftesën kuqezi dhe pritej të luante patjetër në dy ndeshjet miqësore që zhvillon Shqipëria kundër Kosovës dhe Ukrainës më 29 maj dhe 2 qershor. Vetë trajneri italian por edhe lojtari me siguri që nuk do të jenë të lumtur për shtyrjen e debutimit. Panucci kishte muaj që bisedonte me Binakun për ta bindur që të bashkohej me Shqipërinë dhe në momentin e fundit vjen ky dëmtim i pafat që nuk e lejon të zbresë në fushë.

Egzon Binaku ka lindur më 27 gusht të viti 1995 në Suedi dhe është me nënshtetësi suedeze, por me origjinë nga Kosova. Pas paraqitjeve të mira në kampionatin suedez, 22-vjeçari kaloi te Malmö FF, duke ardhur nga Häcken, ndërkohë që verën e kaluar ai luajti në Evropianin U-21 për Suedinë. Shpresojmë se ky lojtar do sjellë sigurinë e kërkuar në mbrojtjen kuqezi.

Related posts

Lopetegui: Nuk jam penduar pë vendimet, jam i kënaqur me skuadrën

Isa.Autor

KARRIERA E COURTOIS/ Dikur KËRCENTE me kore kundër REAL, sot PUTH stemën e skuadrës (VIDEO)

Isa.Autor

VDEKJA TRAGJIKE QË SHOKOI BOTËN/ Tenisti i njohur del në fushë me fanellën e Kobe Bryant (FOTO)

Delo.autor

Leave a Comment