Lega Serie A ka votuar në mënyrë unanime për të prishur kontratën me Mediapro, kështu që të drejtat televizive të Serie A kanë dalë në shitje.
Ishin spanjollët ata që kishin fituar të drejtat televizive gjatë shkurtit për 1.05 miliardë euro, por Sky Sport Italia ka fituar gjyqin për të pezulluar tenderin për shkak se nuk kanë respektuar rregulloren.
Mediapro kishte ofruar të jepte garanci më të mëdha financiare, por këtë mbrëmje 20 klubet e Lega Serie A kanë votuar që kontrata të prishet.
Vendimi do të jetë i vlefshëm duke filluar nga java tjetër, kështu që Sky dhe Mediaset tani mund të rifuten në garë për të marrë të drejtat televizive për sezonet 2018-21.
