Gianluigi Buffon raportohet të jetë në bisedime të avancuara me PSG.
Portieri legjendar i Italisë pritet të largohet nga Juventus në fund të sezonit, pas 17 viteve të mbushura me trofe.
Dhe sipas raporteve të shtypit francez si le Parisien dhe Canal+, 40-vjeçari është duke biseduar me kampionët e Ligue 1 për një transferim të mundshëm.
Ashtu si PSG, edhe Liverpool thuhet të jetë interesuar për firmën Buffon.
Portieri do të luajë ndeshjen e fundit të karrierës me Juventus gjatë fundjavës në Allianz Stadium. Ai do të ketë shansin t’i thotë lamtumirë tifozëve të tij që e kanë mbështetur gjithmonë.
