28 gola në Ligën e Kampionëve, Salah, Mane dhe Firmino janë të pandalshëm.
Liverpooli është me një këmbë në finale të Ligës së Kampionëve falë formës fantastike të treshes sulmuese; Mohamed Salah, Sadio Mane dhe Roberto Firmino.
Tre lojtarët në fjalë kanë shënuar këtë edicion në Champions për Liverpoolin 28 gola; Salah (10), Firmino (10) dhe Mane (8), treshja sulmuese më e frikshme momentalisht në Evropë.
Tre lojtarët në fjalë dëshmuan javën e kaluar se janë të frikshëm dhe në top formë, kur realizuan pesë gola në fitoren 5-2 kundër Romës (2 Salah, 2 Firmino dhe 1 Mane) – ata pritet të jenë kërcënimi më i madh për skuadrën italiane edhe të mërkurën në “Olimpico”.
