Sipas asaj që ka shkruar “The Sun”, Manchester United është interesuar për blerjen e mbrojtësit të Barcelona, Jordi Alba, si zëvendësuesi ideal i Ashley Young. Futbollisti i kombëtares spanjolle e ka në dyshim të ardhmen e tij në “Camp Nou”, pasi menaxheri i tij Vicente Fores, deklaroi se klubi nuk po mbante premtimin e dhënë prej një viti për rinovimin e kontratës.
Trajneri i Manchester United, Jose Mourinho, ka nevojë për përforcojë mbrojtjen për të synuar titullin në Premier League në sezonin e ardhshëm, pasi sivjet e mbylli kampionatin me 19 pikë më pak se Manchester City.
Për momentin Ashley Young dhe Luke Shaw janë dy alternativat e “djajve” për postin e mbrojtësin të majtë, por të dy kanë një kontratë deri në verën e ardhshme dhe nuk japin shumë garanci për të ardhmen, kësisoj Alba do të ishte një alternativë e shkëlqyer.
Megjithatë, mëngjarashi i Spanjës nuk është i lirë, më saktësisht është shumë i shtrenjtë, sepse klauzola për prishjen e kontratës së tij me Barcelonën është plot 140 milionë euro.
