Ergys Mersini u akuzua drejtpërdrejt nga ish-kapiteni i Vllaznisë, Ndriçim Shtubina, si shkaktar i humbjes së 5-6 ndeshjeve të skuadrës gjatë kampionatit që u mbyll. Në një intervistë për gazetën “Panorama Sport”, Mersini i përgjigjet Shtubinës duke thënë se u largua si legen nga Vllaznia. Ish-mbrojtësi i kuqebluve e konsideron Shtubinën të paaftë.
Gjithashtu, Mersini zbulon se nuk ka në kontratat e lojtarëve të Vllaznisë një klauzolë që të gjobiten me dy rroga nga klubi për mosarritjen e objektivit. “Klubi duhet të tregohet korrekt dhe të m’i japë ato para, pasi unë kam punuar, ashtu siç punon edhe kryetarja e bashkisë apo edhe administratori i klubit. Nëse ata i vendosin gjobë vetes, atëherë do ta pranoj edhe unë. Kemi tre muaj pa u paguar”, tha ndër të tjera Mersini në intervistën e tij
