CEO i ri i Inter Beppe Marotta ka zbuluar arsyen pse u largua nga Juventus në mes të sezonit për t’iu bashkuar Inter.
Marotta la Juve-n përpara fundit të 2018 duke lënë bosh postin e CEO, një vend që është marrë nga Fabio Paratici.
Marotta së fundmi ka qenë i ftuar te Seleco XIX, duke folur për vendimin e tij megjithëse sezoni kishte nisur.
“Kishte ardhur koha për ndryshim, bashkë me mua aty janë rritur menaxherë të tjerë që tani duhet të merrnin më tepër përgjegjësi.
“Kështu që klubi vendosi të ndryshonte drejtim, i cili mund të menaxhohej më mirë.
“Por siç ka thënë edhe Mandela, në jetë ti nuk humb asnjëherë, ose fiton ose mëson. Për mua një derë u mbyll dhe u hap një derë tjetër.”
