Mediat angleze shkruajnë se skuadra e Manchester United është gati të paguajë klauzolën 28 milionë euro për sulmuesin belg të Napolit Dries Mertens. 30-vjeçari është shndrruar në një lojtarë kyç në sezonet e fundit në “San Paolo” por vështirë se do të refuzonte të luante në “Old Trafford”, ndërkohë që shifra e lirimit të tij nga Napoli, nuk duket të jetë problem për Jose Mourinhon.
Belgu mbi të gjitha te “Djajtë e Kuq” do të kishte mundësi që repartin e sulmit ta ndante me bashkëkombasin e tij, Romelu Lukaku, i cili mund të ndikojë në vendimin e sulmuesit shtatshkurtër për tu transferuar në Angli. Dries Mertens nën drejtimin e Maurizio Sarrit te Napoli që nga viti 2016, ka arritur të shënojë 45 gola në Serie A, duke tërhequr kështu vëmendjen e shumë ekipeve europiane.
