Thiago Alcántara, një futbollist me një histori në ekipin e parë të Barçës dhe trajnuar në akademinë e të rinjve të katalanasve, ishte një nga lojtarët më të shquar të Bayern në “Santiago Bernabéu” në raundin gjysmëfinal të Champions League. Në këtë kuptim, shumica e mediave theksuan ndikimin e mesfushorit kundër “Los Blancos”. Ai udhëhoqi, sulmoi dhe mbrojti me sukses, pa u shqetësuar nga atmosfera e “Santiago Bernabeu”.
Për këtë arsye, shumë lojtarë të Barcelonës kanë pyetur pse Barça nuk nis bisedimet për nënshkrimin e tij. Çështja është, se Thiago ishte vitin e kaluar pranë Barçës. Kishte edhe kontakte të drejtpërdrejta, në një fushatë të komplikuar për djalin e Mazinhos së madh. Vitin e kaluar në fund të marsit Robert Fernandez, sekretari teknik i Barçës, shkoi për të parë Francën-Spanjë në “Parc des Princes” në Paris.
Në atë ndeshje në të cilën spanjollët fituan 0-2, qëllimi i tyre ishte për të parë Gerard Deulofeu, i cili luajti një lojë të mirë, por edhe Thiago. Pas miqësores, ekzekutivi katalanas shkoi në hotelin ku futbollisti i Bayern po qëndronte dhe e takoi atë. Barça kishte marrë informacionin, se në sezonin e tij të katërt në Mynih, Thiago po peshonte mundësinë e ndryshimit të ambientit dhe ishte i motivuar nga ideja e të luajturit në një ligë tjetër.
Mundësia e kthimit në Barça, ku vëllai i tij luante (tani i huazuar te Interi), ishte tërheqëse, duke pasur parasysh se përveç nivelit konkurues të ekipit ai gjithashtu kishte një motiv të madh për t’u kthyer në shtëpinë e tij dhe qytetin e gruas, me të cilën kishte një fëmijë.
Robert dhe Thiago biseduan dhe ata ranë dakord të merrnin pak kohë përpara se të bënin një hap përpara për të finalizuar marrëveshjen. Në atë kohë, mesfushori ishte nën kontratë deri në vitin 2019. Të dy palët diskutuan situatën, por përfundimisht, vetëm një muaj më vonë, Thiago rinovoi me Bayern Munchen deri në vitin 2021.
Megjithatë, këtë vit Thiago ende e mendon largimin për shkaqe sportive dhe për ato personale të përmendura më lart dhe Barça e di këtë. Përveç kësaj, Bayern ka nënshkruar me Goretzka (23 vjeç), gjermani kërcënon vendin e tij në fushë. Ndërkohë, Barça vlerëson cilësinë e 27-vjeçarit dhe ADN-në e tij, por nuk e konsideron nënshkrimin e Thiago sot. Ai vlerësohet në merkato 50-60 milionë euro dhe çmimi është kundër tij, si dhe blerja e Arthur (21 vjeç, Gremio).
