Andres Iniesta ka shpërthyer në lot gjatë fjalimit lamtumirës në Camp Nou, pas lojës së fundit me Barcelonën.

“Është ditë shumë e vështirë, kanë qenë 22 vite të mrekullueshme. Ishte kënaqësi dhe jam krenar që kam mbrojtur këtë stemë, që për mua, është më i miri në botë”, tha Iniesta, që ka debutuar në 2002.

“Faleminderit gjithë shokëve të skuadrës. Do të më mungoni shumë. Faleminderit tifozëve, për gjithë dashurinë tuaj, çdo gjë që keni bërë që të ndihem mirë që kur erdha këtu si fëmijë, po largohem si burrë. Gjithmonë do të jeni në zemrën time”.

“Rroftë Barça, rroftë Katalunia dhe rroftë Fuentealbilla (vendlindja)”, theksoi mes tjerash Iniesta.