Monaco dhe Real Madrid kishin arritur praktikisht një marrëveshje për Kylian Mbappé, për shumën e 180 milionë eurove. Por, para se të bëhej marrëveshja, 19-vjeçari vendosi në vend të lëvizjes në “Bernabeu”, të shkonte te PSG. Kjo ndodhi verën e kaluar, sipas zëvendëspresidentit të Monacos, Vadim Vasilyev, i cili po fliste me “Canal Plus” në Francë.
“Më kujtohet që ramë dakord me drejtuesit e Real Madridit. Ata më thanë: Ne do të paguajmë 180 milionë euro për Mbappé. I thashë Kylian: Kemi marrë një ofertë të pamundur për t’u refuzuar, është klubi i ëndrrave tuaja. Më thuaj përgjigjen tënde”, – tha Vasilyev.
Por, ndërkohë që i riu ndërkombëtar francez ka treguar admirimin e tij për “Los Blancos”, ai vendosi të shkojë në Paris. “Kurrë nuk kemi vendosur për të. Ishte në dorën e tij që të merrte vendimin e dëshiruar. Ai na tha: Dua të shkoj në Paris”, – shtoi Vasilyev.
