Sulmuesi e Spanjës, Alvaro Morata, e ka pranuar se sezoni i tij i dobët me Chelsean mund të rezultojë në mos ftesë për Kupën e Botës, e cila zhvillohet këtë verë në Rusi.
25-vjeçari gëzoi një fillim fantastik në Chelsea pas transferimit nga Real Madridi, duke shënuar gjashtë gola në gjashtë ndeshjet e tij të para në Premierligë.
Megjithatë, ai e ka gjetur vetëm një herë rrjetën e portës kundërshtare në ligën elitare angleze që prej dhjetorit, dhe si pasojë u la jashtë nga Kombëtarja spanjolle për ndeshjet miqësore kundër Gjermanisë dhe Argjentinës në mars.
Derisa Morata dëshiron më patjetër të ftohet nga Julen Lopetegui për Botërorin 2018, i cili nis muajin e ardhshëm, ai e di se forma së fundmi mund të rezultojë në mos përfshirjen e tij.
“Dua të shkoj në Rusi”, ka thënë Morata për të përditshmen spanjolle “Marca”.
“Do të jetë shumë e vështirë për mua të mos ftohem, por ka mundësi të ndodhë kështu”, shtoi ai.
“Gëzimi kur je në listë mund të jetë i hatashëm, por duhet ta kuptoj se ky vit s’ka qenë më i miri dhe ka mundësi të mbes në shtëpi”, theksoi ai
