Kukësi vijon me përgatitjet për ndeshjen e rradhës kundër Lushnjes. Verlindorët nuk e nënvlerësojnë një takim të tillë duke parë edhe atë çfarë i ndodhi Partizanit një javë më parë. Por për takimin kundër lagunarëve do ketë mungesa të rëndësishme për trajnerin Peter Pacult.
Këshu Cale dhe Alla nuk do jenë të disponueshëm për ekipin për shkak se kanë plotësuar numrin e kartonave.Po ashtu edhe Ylli Shameti nuk do rrezikohet dhe për këtë arsye do lihet pushim. Shansi do jetë për elementët e rinj dhe të prespektivës të tregojnë cilësitë e tyre. Kështu që emra si Ymeraj apo Edipi pritet të jenë pjesë e formacionit titullar kundër myzeqarëve.
